الرئيسية
السلام عليكم ورحمة الله تعالى وبركاته
كيدايرين لاباس عليكم حبيباتي ان شاء الله تكونو بالف خير .اليوم جبت لكم هاد الحليوات كيجيو رووووعة فالمنظر والطريقة ولااسهل اما المكونات فجد بسيطة وباذن الله تنال اعجابكم .نبداو على بركة الله
غادي نحتاجو اولا جنواز اللي كنستعملو للرولي انا درت 4بيضات كالعادة فصلت البياض على الصفار وبديت كنطرب البياض مع قبصة دالملحة حتى يولي بحال الثلج عاد كنبدا نضيف 125غ ديال سنيدة شوية بشوية حتى كنكونو قربنا نحصلو على ميرانغ كنزيد الصفار دفعة واحدة غير اندمجوه فالخليط نحبسو التطراب وكنزيد 125غ دقيق+1خميرة الحلوى وكنبقا نحرك بمعلقة خشبية بلمهل من تحت لفوق حتى تندمج العناصركنكبو الخليط طبعا فطاوة مربعة مكسوة بالسيلفيريزي اوبابيي الومنيوم مدهون مزيان بالزبدة وندخلها لفرن ساخن على درجة حرارة 180حتى ل200 لمدة لا تزيد عن ربع ساعة ملي كيطيب كنلفو فمنديل ونخليه. نوجدو سيرو بالمربى يعني مربى وكتخفيفها بشوية دالما وديرها تغلى شوية او ممكن تعوضي باي سيرو كنعاود نطلق الجنواز وكنقطعها على 2 عرضيا كنسقيهم بالسيرو وكندير اي كريم بغيتو تديرو لكم الاختيار انا بغيت نركز غير على الفكرة وانتوما وذوقكم انا درت الكريم باتسيير بالشكلاط وعلى فكرة غير كدهنو الجنواز شوية بحال الا كتدهني الخبز بالزبدة
باش ماتخرجش الكريما على الجناب حنا فالاول كنا قطعنها على 2 يعني حصلنا على جوج مستطيلات مدهونين كنلفوهم بحال الرولي تماما غير هدا كيجي رقيق وهدا هو الهدف كنلفوهم بورق الالومنيوم وندخلوهم للمجمد باش ايشدو راسهم شويةثم كنخرجهم وكل ملفوف او قضيب كما بغيتو تسميوه كنقسمو لاربعة كما غتشوفو بالصورة غادي نحصلو على 8 قطع انا كل 2 زينتهم فشكل وبطريقة بسيطة كناخدو الحليوة كنغمسو ثلثها فالسيرو اللي حضرنا قبل يلاه تقيس السيرو انرفعها باش ماتفزكش الحلوى وتتهرس ا وثم كنغمسها ياما فالشكلاط شعرية او الكوك او سنيدة او بلا ماتغمسيهم الجوج الاخرين رشيتهم غير بالسكر الصقيل وزينتهم بالقرفةوانت طبعا لك الحرية ممكن تغمسيهم فالشكلاط ذائب وترشيهم باللوز ايفيلي او اي شيئ بغيتي وكما غتشوفي فالصورة وخا المقادير بسيطة غنخليكم انتوما تحكمووتقولو لي رايكم بصرااااحة
.نخليكم الان مع الصور[img]
[/img][img]
[/img][img]
[/img][img]
[/img][img]
[/img][img]
[/img][img]
[/img][img]
[/img][img]
[/img]يتبع
[img]
[/img][img]
[/img][img]
[/img][img]
[/img][img]
[/img][img]
[/img].....
