الرئيسية
كنغسلوا دجاجتنا ونرقدوها ونديرولها القواعد كاملين هههه
كنوجدوا
الشرمولة البصل و الثوم و الربيع و العطرية الي كتفضلوها (المهم تهلاو
فيها مزيان ههه)و كنطحنو كولشي في المكينة ونشرملوها ونخليوها شي 6 ساعات
أو حتى ليلة في التلاجة باش ندخلها ليقامة مزيااان
ثم كنديروها في الكسكاس تتبخر,في البرمة عملت مع الماء ورق سيدنا موسى وحفينة ديال الزعتر و الهيل
نغطيوها و نخليوها تتبخر على خاطرها وندوزو نقطعو البطاطا و خيزو و نشرملوهم بنس الشرمولة ومن بعد نديروهم في الكسكاس يتبخرو
من بعد ما طابت الدجيوجة دهنتها بالزبدة و دخلتها للفران تتحمر
طيبت الروز بالزبدة (الطريقة عندي في ملف الروز...)
و بالصحة والراحة راه كيجي لديد بزاف نتمنى يعجبكم
